ക്രിസ്തുമസ്- പുതുവത്സര ബംബറിന് റെക്കോര്‍ഡ് വില്പന. ഇന്നലെവരെ വിറ്റത് മുപ്പത്തിമൂന്ന് ലക്ഷത്തി, എഴുപത്തി എണ്ണായിരത്തി, തൊള്ളായിരത്തി തൊണ്ണൂറ് ടിക്കറ്റുകള്‍. 20 കോടി രൂപയാണ് ഒന്നാം സമ്മാനം നേടുന്ന ഭാഗ്യവനെ കാത്തിരിക്കുന്നത്. 400 രൂപയാണ് ടിക്കറ്റ് വില.
നറുക്കെടുപ്പിന് കേവലം 13 ദിനങ്ങള്‍ മാത്രം ബാക്കി നില്‍ക്കെ സംസ്ഥാന ഭാഗ്യക്കുറിയുടെ ഇത്തവണത്തെ ക്രിസ്തുമസ്- പുതുവത്സര ബംബര്‍ ടിക്കറ്റ്, റെക്കോഡ് വില്പന തുടരുന്നു. വിതരത്തിന് നല്‍കിയ 40 ലക്ഷം ടിക്കറ്റുകളില്‍ ഇന്നലെ വരെ വിറ്റത് 33 ലക്ഷത്തി 78 ആയിരത്തി 990 ടിക്കറ്റുകളാണ്.
കഴിഞ്ഞ വര്‍ഷത്തേക്കാള്‍ 11 ലക്ഷത്തോളം ടിക്കറ്റുകള്‍ ഇത്തവണ അധികമായി വിറ്റു പോയിട്ടുണ്ട്. ബംബര്‍ ടിക്കറ്റു വില്പനയില് നിലവില്‍ ഒന്നാം സ്ഥാനത്ത് പാലക്കാട് ജില്ലയാണ്. 3,92, 290 ടിക്കറ്റുകള്‍ വിറ്റുകൊണ്ട് തിരുവനന്തപുരം ജില്ല രണ്ടാം സ്ഥാനത്തുണ്ട്. മൂന്നാം സ്ഥാനത്ത് ഉള്ളത് തൃശൂര്‍ ജില്ലയാണ്.
400 രൂപ വിലയുള്ള ബംബറിന്റെ ഒന്നാം സമ്മാനം 20 കോടി രൂപയാണ്. രണ്ടാം സമ്മാനമായി 20 പേര്‍ക്ക് ഒരു കോടി രൂപ വീതം നല്‍കും. മൂന്നാം സമ്മാനം 10 ലക്ഷം വീതം ഓരോ പരമ്പരയ്ക്കും 3 വീതം ആകെ 30 പേര്‍ക്കും നല്‍കുന്നുണ്ട്. ഫെബ്രുവരി 5 ന് ഉച്ചക്ക് രണ്ടു മണിക്കാണ് നറുക്കെടുപ്പ്.
