ക്ഷേമ പെൻഷൻ ഒരു ഗഡുകൂടി അനുവദിച്ച് ധനവകുപ്പ്. സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്കാണ് മാർച്ച് മാസത്തിലെ ഒരു ഗഡു പെൻഷൻകൂടി അനുവദിച്ചിരിക്കുന്നത്. ഇതിനായി 817 കോടി രൂപ ധനവകുപ്പ് അനുവദിച്ചു. 62 ലക്ഷത്തോളം പേർക്ക് 1,600 രൂപവീതം വ്യാഴാഴ്ച മുതൽ ലഭിച്ചു തുടങ്ങും. 26 ലക്ഷത്തിലേറെ പേർക്ക് ബാങ്ക് അക്കൗണ്ട് വഴിയും മറ്റുള്ളവർക്ക്‌ സഹകരണ ബാങ്കുകൾ വഴിയും പെൻഷൻ ലഭിക്കുമെന്ന് ധനവകുപ്പ് അറിയിച്ചു.
