ആശാ വർക്കേഴ്സ് ഇന്ന് മന്ത്രി വി ശിവൻകുട്ടിയുമായി ചർച്ച നടത്തും. വൈകുന്നേരം 3 മണിക്ക് മന്ത്രിയുടെ ചേമ്പറിൽ വച്ചാണ് കൂടിക്കാഴ്ച നടക്കുക. കൂടിക്കാഴ്ച അനുവദിക്കണമെന്ന സമരനേതാക്കളുടെ ആവശ്യം അംഗീകരിക്കുകയായിരുന്നു. ആശാ വർക്കേഴ്സിൻ്റെ രാപ്പകൽ സമരം ഇന്ന് 57 ആം ദിവസത്തിലേക്ക് കടന്നു. നിരാഹാര സമരം 19 ആം ദിവസത്തിലാണ്.
ആശാ പ്രവർത്തകർ സെക്രട്ടറിയേറ്റിനു മുന്നിൽ നടത്തുന്ന രാപ്പകൽ സമരം ഇന്ന് 57 ആം ദിവസവും നിരാഹാര സമരം 19 ആം ദിവസവുമാണ്. സർക്കാരിനെതിരെ പ്രതിഷേധം ശക്തമാക്കുന്നതിനിടയിലാണ് തൊഴിൽ മന്ത്രി വി ശിവൻകുട്ടിയുമായി ആവശ്യപ്രവർത്തകർ ഇന്ന് ചർച്ച നടത്തുന്നത്. വൈകുന്നേരം 3 മണിക്ക് മന്ത്രിയുടെ ചേമ്പറിൽ വെച്ചാണ് ചർച്ച നടക്കുന്നത്. കൂടിക്കാഴ്ച അനുവദിക്കണമെന്ന സമരനേതാക്കളുടെ ആവശ്യം അംഗീകരിക്കുകയായിരുന്നു. അതേസമയം മന്ത്രിയുമായുള്ള ചർച്ച ഏറെ പ്രതീക്ഷയോടെയാണ് ആശാപ്രവർത്തകർ കാണുന്നത്.
മൂന്നുവട്ടം സർക്കാരും സമരക്കാരും തമ്മിൽ ചർച്ച നടന്നെങ്കിലും പ്രശ്‌നപരിഹാരത്തിനു കളമൊരുങ്ങിയിരുന്നില്ല. ഓണറേറിയം കൂട്ടുന്നതും വിരമിക്കൽ ആനുകൂല്യം പ്രഖ്യാപിക്കുന്നതും അടക്കമുള്ള ആവശ്യങ്ങളിൽ അനുകൂല തീരുമാനമെടുത്ത് ഉത്തരവിറക്കാതെ സമരത്തിൽ നിന്ന് പിന്മാറില്ലെന്നാണ് സമരസമിതിയുടെ നിലപാട്.
